Саба районы Иләбәр авыл клубында вәгазь кичәсе булды
Скопировать ссылку
Саба районы Иләбәр авыл клубында вәгазь кичәсе узды. Вәгазьгә Лесхоз авылы имамы Әхмәд хәзрәт Әхмәтов чакырылган иде. Бу хакта https://saby-rt.ru/ сайтында Илмира Галимуллина яза.
Рамазан аеның соңгы ун көне дә узып бара. Иләбәр авылы клубында узган дини чара да әнә шул көннәрнең әһәмиятен аңлатудан башланды.
Сүз, нигездә, Аллаһка иман китерү, Раббыбызның китапларына, пәйгамбәрләргә, фәрештәләргә, тәкъдирнең яхшысы да яманы да Аллаһтан икәнлегенә, үлгәннән соң терелүгә ышану турында барды, иман нигезләре аңлатылды.
Ахырдан Иләбәр авылы имамы Рушан хәзрәт Гыйльманов Әхмәд хәзрәткә мәхәллә халкы исеменнән зур рәхмәтен җиткерде.
Мондый эчтәлекле очрашу Эзмә авылында да узды.