Саба районы Эзмә авылында зур ифтарда гаиләләре белән ураза тотучылар бүләкләнде
Скопировать ссылку
Саба районы Эзмә авыл жирлегендә Зур ифтар мәжлесе үтте. Әлеге чараны җирлектә урнашкан оешмалар һәм эшмәкәрләр берлеге оештырды. Бу хакта https://saby-rt.ru хәбәр итә.
Мәҗлеснең кунагы - Кукмара шәһәреннән Райнур хәзрәт Газизов Рамазан ае фазыйләтләре турында үтемле вәгазь сөйләде.
Шулай ук ифтарда гаиләләре белән ураза тотучылар чакырылып хөрмәтләнде. Эзмә авыл җирлеге башлыгы Райнур Әхмәтов аларга истәлек бүләкләре тапшырды.