Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Саба мөхтәсибәте ярдәмгә мохтаҗ гаиләләрдә тәрбияләнүче балалар өчен җәйге бәйрәм уздырды
Саба мөхтәсибәте ярдәмгә мохтаҗ гаиләләрдә тәрбияләнүче балалар өчен җәйге бәйрәм уздырды. Бәйрәм Саба районы халыкны социаль яклау бүлеге белән берлектә «Сабантуй» мәдәни-спорт комплексында булды. Бу хакта «Саба таңнары» сайтында хәбәр ителә.
Бәйрәм изге дога белән башланып китте, кечкенәдән дини тәрбия алып үсүче Камол Камолов Коръән сүрәләре укыды. Мәйданга җыелучыларны Саба муниципаль районы башкарма комитетының аппарат җитәкчесе Марат Кәримов сәламләде. Ул балаларга күңелле ял итәргә, спорт уеннарында актив катнашырга һәм тагын бер атнадан шушы мәйданда узачак район Сабантуе уеннарына көч тупларга чакырды.
Район социаль яклау бүлеге җитәкчесе Лилия Гайнетдинова балаларга ихлас, матур теләкләрен җиткергәннән соң, барлык катнашучылар исеменнән әлеге чараны оештырган район мөхтәсибәтенә рәхмәт сүзләре әйтте.
Бирегә ул көнне 50гә якын бала чакырылган иде. Алар арасында тулы булмаган гаиләләрдә тәрбияләнүчеләр, кечкенәдән язмыш сынавы аша узган, әби-бабай тәрбиясендә үсүчеләр дә бар. Оештыручылар мәйданда күптөрле уеннар тәкъдим итте. Балалар чүлмәк ватты, кашыкка йомырка салып йөгерде, кызлар бәби төрүдә көч сынашты, командаларга бүленеп аркан тартты, бер-берсен арбага утырып ярышты.
Ярышлар төгәлләнгәннән соң балалар икенче мәйданга, ачык һавада әзерләнгән табын артына чакырылды. Ризыктан авыз итәр алдыннан район мөхтәсибенең яшьләр эшләре буенча урынбасары Алмаз Галимҗанов балаларга вәгазь сөйләде. Балаларга учакта пешкән пылау, камыр ризыклары, татлы эчемлекләр, җиләк-җимеш тәкъдим ителде.
Кызыклы яңалыкларны күзәтеп бару өчен Телеграм-каналга язылыгыз