Авыл 18 ноябрь 2018 15:14

Саба гимназиясендәге сайлау участогында иң беренче булып тавыш бирүчегә бүләк тапшырганнар

Көндезге сәгатьләргә сайлау исемлегендәге 1263 кешенең 396сы тавыш биреп үзенең гражданлык бурычын үтәгән.

Скопировать ссылку

(Саба, 18 ноябрь, "Татар-информ", "Саба таңнары", Ильмира Галимуллина). Үзара салым буенча референдумда Саба гимназиясендә урнашкан 24-25 сайлау участогында иң беренче булып тавыш биргән Раил Ганиевка һәм гражданлык бурычын тәүге тапкыр үтәүче студент Айгөл Фазыловага бүләк бирделәр. Аны сайлау участогы җитәкчесе Айгөл Хәнәфиева тапшырды. Бу хакта "Саба таңнары" газетасы хәбәр итә.

Фойеда сайлаучылар өчен чәй табыны да хәстәрләнгән иде. Саба кешеләре соңгы елларда күзәтелгән матур үзгәрешләрне күреп шатланын әйткән.

"Юллар да яңартып төзекләндерелә, тирә-юньдә яшеллек, бар җирдә чисталык хөкем сөрә. Әлбәттә, һәркайсыбыз бистә мохитен яхшыртуга үзеннән күпмедер өлеш кертергә тиештер, шуңа да үзара салым кирәклеген аңлыйм", - дигән Сабаның Киров урамында яшәүче ветеран Гафур ага Галиев.

"Менә безнең бакча башында гына зур спорт объекты төзелеп килә. Аның янәшәсе яктыртылды, агачлар утыртылды. Шулай да әле бу тирәдә матурлыйсы урыннар бар. Киләчәктә стадион аша мәктәптән кайтучы балалар, үзәк базарга таба баручылар өчен җәяүлеләр сукмагы да барлыкка килер дип өметләнәбез”, - ди ул.

Көндезге сәгатьләргә сайлау исемлегендәге 1263 кешенең 396сы тавыш биреп үзенең гражданлык бурычын үтәде.

#үзара салым #референдум

Сәхифәләр

Саба гимназиясендәге сайлау участогында иң беренче булып тавыш бирүчегә бүләк тапшырганнар