Җәмгыять 14 август 2019 08:15

Сөт ризыкларын кибеттә урнаштыру турында сораулар өчен кайнар элемтә эшли

1 июльдән сәүдә залында яки сату урынында сөт продуктларын урнаштыру кагыйдәләренә үзгәрешләр керде.

Скопировать ссылку

(Казан, 14 август, "Татар-информ"). Татарстанда сөт, составында сөт булган һәм сөтле ризыкларны кибет киштәсендә урнаштыру кагыйдәләре буенча кайнар элемтә эшли башлады. Бу турыда Казан мэриясе матбугат хезмәте хәбәр итте.

Сорауларга Кулланучы хокукларын яклау һәм кеше иминлеге өлкәсендә күзәтчелек федераль хезмәтенең Татарстан Республикасы буенча идарәсенең туклану гигиенасы буенча күзәтчелек бүлеге белгечләре җавап бирәчәк.

Консультация алу өчен 10.00 сәгатьтән 16.00 сәгатькә кадәр (843) 273-34-85 номерына шалтыратырга кирәк. Шулай ук барлык кызыксындырган сораулар белән 8-800-555-49-43 номерына мөрәҗәгать итәргә мөмкин.:

1 июльдән сәүдә залында яки сату урынында сөт продуктларын урнаштыру аларны башка азык-төлек продуктларыннан визуаль аерырга мөмкинлек бирә торган ысул белән башкарылырга һәм «Сөт майлары алмаштырылмаган продуктлар» дигән мәгълүмат язуы белән билгеләнергә тиеш.

#сөт

Сәхифәләр

Сөт ризыкларын кибеттә урнаштыру турында сораулар өчен кайнар элемтә эшли