Икътисад 15 гыйнвар 2010 19:58

Сөт продуктлары бәяләре күтәрелде

Казанның сәүдә нокталарында яшелчә һәм җиләк-җимеш бәясе дә үсешен дәвам итә

Скопировать ссылку

(Казан, 15 гыйнвар, “Татар-информ”). Бодай оны 2,3 процентка, тары ярмасы – 2, көнбагыш мае - 0,5 процентка, токмач 0,2 процентка очсызланган. Шул ук вакытта яшелчә һәм җиләк-җимеш бәясе үсешен дәвам иткән. Соңгы бер атнада Казанның кулланучылар базарындагы төп бәяләр үзгәреше әнә шуннан гыйбарәт.

Дәүләт статистикасы федераль хезмәтенең Татарстан идарәсе мәгълүматларына караганда, иң зур бәяләр үзгәреше кәбестәдә. Аның хакы 14 процентка күтәрелгән. Бу чорда башлы суган - 5,4, кишер - 4,5,бәрәңге –якынча 4 процентка, алма-1,7 процентка кыйммәтләнә төшкән.

Җитештерүчеләрнең сатып җибәрү бәясен күтәрүе сәбәпле, сөт һәм сөт продуктлары бәяләре дә арту ягына үзгәреш кичергән. Стерильләштерелгән сөт бәясе 5,6, пастерильләштерелгәне -1,4 процентка, атланмай-1,1 процентка, каймак һәм майлы эремчек - 0,4-0,6 процентка күтәрелгән. Йомырка, шикәр комы һәм дөге ярмасы бәясе дә 1,1-1,7 процентка арта төшкән.

Сәхифәләр

Сөт продуктлары бәяләре күтәрелде