Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Татарстанда ел башыннан алып исерек машина йөртүчеләр гаебе белән 26 кеше һәлак булган
Татарстан юлларында ел башыннан алып исерек хәлдәге машина йөртүчеләр гаебе белән 26 кеше һәлак булган. ТР буенча Эчке эшләр министрлыгының Дәүләт автоинспекциясе идарәсе башлыгы вазифаларын вакытлыча башкаручы Айрат Сәмигуллин «Татар-информ» агентлыгында узган матбугат конференциясендә шул хакта сөйләде.
«Исерек хәлдә машина йөртү - юл йөрү кагыйдәләрен тупас бозу санала. Ел башыннан исерек машина йөртүчеләр катнашында 86 юл-транспорт һәлакәте теркәлгән, аларда 26 кеше һәлак булган, 121е төрле тән җәрәхәтләре алган. Узган елның шул чоры белән чагыштырганда аварияләрнең төп күрсәткечләре кимү күзәтелә, юл-транспорт һәлакәтләре саны - 51 очракка, үлүчеләр саны – дүрткә, имгәнүчеләр 46 кешегә азайган», - дип өстәде ул.
Ул моннан ике көн элек булган юл-транспорт һәлакәтен алкоголь куллануның юлда кеше гомерләрен харап итүенә мисал итеп китерде. Искәртеп үтәбез, 12 августта Югары Ослан районында коточкыч юл-транспорт һәлакәте булган. Volkswagen автомобиленең 54 яшьлек йөртүчесе, каршы як полосага чыгып, «Лада Калина» һәм «Лада Искра» машиналары белән бәрелешкән. Һәлакәт нәтиҗәсендә «Лада Искра» автомобиленең пассажирлары – хатын-кыз, шулай ук ике бала һәлак булган. Тагын биш зыян күрүчене хастаханәгә озатканнар.
Чит ил машинасын белән Казанда яшәүче ир-ат идарә иткән. Ул исерек булган. Әлеге факт буенча эше кузгатылган. Машина йөртүчегә 15 елга кадәр ирегеннән мәхрүм ителү яный.
Яңалыкларны күзәтеп бару өчен Макс-каналга язылыгыз