Икътисад 11 октябрь 2016 09:48

Сәнәгать предприятиеләре киберкуркынычсызлыгы мәсьәләләре Иннополистка карала

Еллык IV конференция “Бергәләп эш итәр чак” шигаре белән уздырыла.

Скопировать ссылку

(Казан, 11 октябрь, «Татар-информ», Арсений Маврин). Иннополис шәһәре территориясендә бүген “Технологик процесс белән идарә итүдә автомат система киберкуркынычсызлыгы” (”Кибербезопасность АСУ ТП”) темасына еллык IV конференция эшли башлый. Сәнәгать системаларын киберһөҗүмнәрдән саклау мәсьәләләре турында сөйләшү “Бергәләп эш итәр чак” шигаре белән үткәрелә.

Әлеге конференциягә индустриаль системалар куркынычсызлыгы буенча әйдәп баручы экспертлар гына түгел, Россиянең һәм чит илләрнең электр энергетикасы, атом, транспорт, машиналар төзү, нефть һәм газ, шулай ук хәзерге заман икътисадының башка өлкәләрендә эшли торган предприятиеләр җитәкчеләре дә катнашыр дип көтелә. Конференцияне башлау тантанасында Татарстан Премьер-министры Илдар Халиков катнашырга җыена. Бу хакта республика Хөкүмәте порталында мәгълүмат бирелгән.

Моннан тыш, 13 октябрь көнне “Корстон” комплексында, “Finnopolis-2016” инновацион финанс технологияләре форумы кысаларында, “Яңа каршылыклар һәм янаулар шартларында киберкуркынычлык” темасына зур сөйләшү Россия Федерациясе Үзәк банкы рәисе Эльвира Нәбиуллина катнашында дәвам иттерелә. Аның Казанга 12 октябрьдә килүе көтелә.

#Иннополис #киберһөҗүм #Эльвира Нәбиуллина

Сәхифәләр

Сәнәгать предприятиеләре киберкуркынычсызлыгы мәсьәләләре Иннополистка карала