Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Сәнәгать һәм сәүдә министры Теләче сәнәгать мәйданчыгында эш барышы белән танышты
Утырыш ахырында министр район алдынгыларына дәүләт бүләкләре тапшырды.
(Теләче, 15 февраль “Татар–информ”, "Теләче", Эльмира Әхмәтҗанова). 14 февральдә Теләчегә эш сәфәре белән Татарстан Республикасы Премьер-министры урынбасары – Татарстан сәнәгать һәм сәүдә министры Альберт Кәримов килде. Ул Теләче муниципаль район башлыгы Илдус Зарипов озатуында Теләче сәнәгать мәйданчыгында - “Богородские розы” теплицасында, “ЛМР Пласт” оешмасында эш барышы белән танышты. Бу турыда җирле басма хәбәр итә.
Соңыннан министр “Дулкын” йөзү бассейнында, “Теләче- Арена” боз сараенда, “Батыр” спорт комплексында булды. Министр бу көнне Орымширмә авылы янәшәсендә урнашкан Булат Хәсәншинның сугым цехын ачу тантанасында катнашты.
Бу көнне Татарстан Премьер-министры урынбасары – Татарстан сәнәгать һәм сәүдә министры Альберт Кәримов катнашында Теләче муниципаль район Советының киңәйтелгән егерме алтынчы утырышы да булды. Анда 2018 елда районның социаль-икътисади үсеш нәтиҗәләре һәм 2019 елга бурычлары турында сүз барды.
Район Советының киңәйтелгән утырышында муниципаль район башлыгы Илдус Зарипов, районның социаль-икътисади үсешенә анализ ясады. Утырыш ахырында министр Альберт Кәримов район алдынгыларына дәүләт бүләкләре тапшырды.
Кызыклы яңалыкларны күзәтеп бару өчен Телеграм-каналга язылыгыз