Мәдәният 25 гыйнвар 2005 16:35

«Сәләт»тә «Әйдәманнар мәктәбе» бәйгесе булачак

Скопировать ссылку

(Казан, 25 гыйнвар, «Татар-информ», Рәсилә Кәримова). 29 гыйнвар–4 февраль көннәрендә республиканың «Кояшлы» («Солнечный») лагере базасында «Әйдәманнар мәктәбе» бәйгесе булачак. Аны татар яшьләренең «Сәләт» иҗтимагый фонды республиканың Яшьләр эшләре һәм спорт министрлыгы белән берлектә үткәрә. Бәйгедә ТР югары уку йортларында белем алучы 45 студент катнаша. Булачак әйдәманнар тәҗрибәле педагоглар һәм психологлар лекцияләрен тыңлаячак, гамәли дәресләрдә дә белемнәрен ныгытачак.

Уку программасы шактый бай булырга охшый. Укулардан һәм гамәли дәресләрдән тыш, булачак әйдәманнар өчен КВНнар һәм уеннар, шулай ук «Сәләт» лагереның ветеран-әйдәманнары белән «түгәрәк өстәл»ләр һәм үзәк тарафыннан чыгарылган «Сәләт» безгә очар өчен канат куя» җыентыгын, шулай ук «Сәләт» кичә, бүген, иртәгә» буклетын тәкъдир итү һ.б. чаралар да планлаштырыла.

Сәхифәләр

«Сәләт»тә «Әйдәманнар мәктәбе» бәйгесе булачак