Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
“Сөембикә энеләре һәм сеңелләре” Бөтенроссия бәйгесе 21нче тапкыр уздырыла
Конкурсның төп максаты - тирән фикерле, аек акыллы, хезмәт сөючән, җәмгыятькә файдалы лаеклы алмаш әзерләүгә булышлык итү, ди Рөстәм хәзрәт Хәйруллин.
(Казан, 30 март, «Татар-информ», Алия Җамалиева). Иртәгә, 31 мартта, Казанның “Гаилә” мәчетендә Коръәнне һәм ислам, әхлак, рухи кыйммәтләребез нигезләрен иң яхшы белүчеләрнең ХХI Бөтенроссия бәйгесе - “Сөембикә энеләре һәм сеңелләре” конкурсы уздырыла. Бу хакта мәчетнең имам-хатыйбы Рөстәм хәзрәт Хәйруллин хәбәр итте.
“Мөслимә” газетасы мөхәррире, ТР Мөселман хатын-кызлары “Мөслимә” иҗтимагый оешмасы җитәкчесе Әлмира абыстай Әдиятуллина башлангыч биргән бәйге быел 21нче тапкыр уздырыла. Бәйгедә Татарстаннан һәм Россия төбәкләреннән 4 яшьтән 18 яшькәчә балалар катнашачак.
Оештыручылар әйтүенчә, конкурсның максаты – ислам традицияләрен үстерү һәм ныгыту; төрле мәдәниятлар арасындагы элемтәләрне көчәйтү; тирән фикерле, аек акыллы, хезмәт сөючән, җәмгыятькә файдалы лаеклы алмаш әзерләүгә булышлык итү; үсеп килүче яшь буында татар телен һәм мәдәниятен, рухи кыйммәтләрне сакларга омтылыш уяту.
Кызыклы яңалыкларны күзәтеп бару өчен Телеграм-каналга язылыгыз