Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Татарстанда 6 майдан ай ахырына кадәр социаль мәсьәләләр буенча биш туры элемтә узачак
Май аенда Россия Президентының Татарстандагы кабул итү бүлмәсендә төрле социаль мәсьәләләргә багышланган биш туры элемтә оештырылачак. Аларның беренчесе иртәгә, 6 майда була, дип хәбәр итә чараларны оештыручылар.
Аерым алганда, иртәгә 10:00-12:00 сәгатьләрдә күчемсез милеккә хокукны теркәгәндә барлыкка килә торган проблемалы мәсьәләләргә багышланган туры элемтә уза. Гражданнарның сорауларына Дәүләт теркәве, кадастр һәм картография федераль хезмәтенең (Росреестр) ТР буенча идарәсе хезмәткәрләре җавап бирәчәк.
Бер атнадан, 13 майда, шулай ук 10:00-12:00 сәгатьләрдә коммуналь хезмәтләр күрсәтүне чикләү өчен нигезләргә багышланган туры элемтә оештырыла. Татарстанлыларның сорауларына ТР Төзелеш, архитектура һәм ТКХ министрлыгы хезмәткәрләре җавап бирәчәк.
15 майда, шулай ук 10:00-12:00 сәгатьләргә планлаштырылган туры элемтә барышында гомерлек рента килешүе төзүнең үзенчәлекләре турында сүз барачак. Анда ТР Нотариаль палатасы хезмәткәрләре катнаша.
Соңрак, 20 майда, 10:00-12:00 сәгатьләрдә 2026 елда каралган социаль түләүләргә, пособиеләргә һәм компенсацияләргә багышланган туры элемтә оештырыла. Анда ТР Хезмәт, халыкны эш белән тәэмин итү һәм социаль яклау министрлыгы һәм Социаль фондның ТР буенча бүлеге хезмәткәрләре катнаша.
Ай ахырына таба, 27 майда, 1 июньдә билгеләп үтелә торган Халыкара балаларны яклау көненә багышланган туры элемтә узачак. Сорауларга ТР Яшьләр министрлыгы һәм Казан шәһәре Башкарма комитеты хезмәткәрләре җавап бирәчәк.
Туры элемтә телефоны: 221-80-35.
Кызыклы яңалыкларны күзәтеп бару өчен Телеграм-каналга язылыгыз