Рузил Гатин беренче тапкыр Зур театрда чыгыш ясады
Рузил Гатин – Казан консерваториясендә белем алган, Европада стажировка үткән
(Казан, 13 декабрь, «Татар-информ», Рузилә Мөхәммәтова). Татар опера җырчысы Рузил Гатин беренче тапкыр Россиядә зур опера сәхнәсендә чыгыш ясады. Кичә Зур театр сәхнәсендә Нидерланд, Дания һәм Австралия опера театрларының уртак проекты булган “Путешествие в Реймс” спектакленең премьерасы булды.
“Бу минем Россиядә беренче чыгышым”, - дип яза Рузил Гатин социаль челтәрләрдә. Җырчы Россиянең данлыклы опера сәхнәсендә шушы операда катнашучы буларак чыгыш ясаган.
Спектакль программасында аның 14 һәм 16 декабрь көннәрендә чыгыш ясаячагы билгеләнгән.
Операда Рузил Гатин рус генералы Граф Либенскоф партиясен башкара.
Джоаккино Россининың “Путешествие в Реймс” опера әсәре Жермен де Стальнең «Коринна, или Италия» романына нигезләнеп язылган Луиджи Балокки либреттосы буенча куелган.
- Рузил Гатин – ГИТИСны һәм Казан консерваториясендә белем алган, Европада стажировка үткән. Халыкара конкурслар лауреаты. Татар тамашачысына ул консерваториянең Татар операсы куйган спектакльләре аша һәм “Кара пулат” операсы аша яхшы таныш.