Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
«Рувики» Җиңү көне алдыннан Бөек Ватан сугышының интерактив картасын булдырды
«Рувики» интернет-энциклопедиясе Җиңү көне алдыннан «Җиңү сызыгы» дип аталган яңа проект әзерләде. Бу — Бөек Ватан сугышының интерактив картасы. Ул хәрби хәрәкәтләр барышын һәм сугышның төп этапларын күрсәтә, дип хәбәр итә платформаның матбугат хезмәте.
Интерактив карта энциклопедия материаллары белән тулыландырылган: аннан шул чорның күренекле шәхесләре, хәрби операцияләр, аларның барышы һәм әһәмияте турындагы мәкаләләргә күчеп була.
Хәзерге вакытта «Җиңү сызыгы»нда түбәндәге төп операцияләр бар:
- Ленинград стратегик оборона операциясе (1941 елның 10 июле – 1941 елның 30 сентябре);
- Мәскәү өчен сугышның оборона этабы (1941 елның 30 сентябре – 1941 елның 5 декабре);
- Мәскәү өчен сугышның һөҗүм этабы (1941 елның 5 декабре – 1942 елның 20 апреле);
- Сталинград стратегик оборона операциясе (1942 елның 17 июле – 1942 елның 18 ноябре);
- Сталинград стратегик һөҗүм операциясе (1942 елның 19 ноябре – 1943 елның 2 феврале);
- Ленинград блокадасын өзү операциясе (1943 елның 12 гыйнвары – 1943 елның 30 гыйнвары);
- Берлин стратегик һөҗүм операциясе (1945 елның 16 апреле – 1945 елның 2 мае).
Кызыклы яңалыкларны күзәтеп бару өчен Телеграм-каналга язылыгыз