Рөстәм Миңнеханов «Иннопром. Үзәк Азия» күргәзмәсенең пленар сессиясендә катнашты
Татарстан Рәисе Рөстәм Миңнеханов «Иннопром. Үзәк Азия » халыкара күргәзмәсе кысаларында узган «Технологик хаблар – яңа сәнәгать ландшафты» пленар сессиясендә катнашты. Бу хакта ТР Рәисенең матбугат хезмәте җитәкчесе Лилия Галимова хәбәр итә.
Сәнәгать атнасын уздырган вакытта бу чарага 35 илдән 11 меңнән артык катнашучы җыелачак. Экспозициядә 500гә якын компаниянең стендлары тәкъдим ителгән. Катнашучы илләр арасында Үзбәкстан, Россия, Белоруссия, Казахстан, Кытай, Кыргызстан, Таҗикстан, Төркия, Берләшкән Гарәп Әмирлекләре һәм Азәрбайҗан бар.
Фото: ТР Рәисе матбугат хезмәте
Россия Хөкүмәте Рәисенең беренче урынбасары Денис Мантуров үз чыгышында хәбәр иткәнчә, Россия-Үзбәкстан хезмәттәшлеге кысаларында гомуми күләме якынча 4 триллион сум тәшкил иткән 150 инвестиция проекты гамәлгә ашырылган инде. Ул индустриаль парклар үсешенә аерым тукталды һәм «Чирчик», «Җизак» мәйданчыкларын уңышлы мисаллар сыйфатында билгеләп үтте.
Үзбәкстан Премьер-министры урынбасары Жамшид Ходжаев, үз чиратында, ике ил арасында уртак предприятиеләр саны артуы турында белдерде. Аның сүзләренчә, төбәкләрнең үзара хезмәттәшлеге нәтиҗәсендә аларның саны 3000нән артып киткән.
Фото: ТР Рәисе матбугат хезмәте