Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Рус романслары Симферополь сәхнәсендә татар телендә яңгырады
Рус романслары Симферополь сәхнәсендә татар телендә яңгырады
(Симферополь, 24 гыйнвар, “Татар-информ”, Диләвәр Османов). Симферопольдә рус романслары татар телендә яңгыраган кичә булып үтте. Анда ундүрт рус романсы башкарылды. Алар арасында “Калитка”, “Гори, гори, моя звезда”, “Я встретил вас”, “Белеет парус одинокий” һ.б.лар бар. Әлеге романсларны татарчага Симферопольдә яшәүче милләттәшебез Рөстәм Нагаев тәрҗемә иткән.
Рөстәм Нагаев 1935 елда Казан шәһәрендә туган. 1959 елда Казан химия-технология институтын тәмамлаганнан соң, Красноярскийга эшкә билгеләнә. Соңрак исә Кырымга күчә һәм шунда төпләнеп кала. Биредәге милләттәшләре белән ул һәрчак элемтәдә яши. Бергәләп үткәрелгән төрле чараларда һәм кичәләрдә дә Рөстәм әфәнде теләп катнаша. Әйтергә кирәк, ул бик матур җырлый, бигрәк тә татар халык көйләрен оста башкара.
Моннан тыш, Рөстәм әфәнде татар телендә шигырьләр дә яза. Ә аның рус романсларын татарчага тәрҗемә итүе – күпләр өчен яңалык. Әлеге эшкә ул Казанга бер сәяхәтеннән соң алына. “Казанга килгәч, рус романслары кичәсендә булырга туры килде. Тамашачыларның күбесе татар булуы миндә әлеге романсларны татарчага тәрҗемә итеп, аларны үз телебездә яңгырату бик тә отышлы булыр иде дигән уй тудырды”, - дип белдерә Рөстәм әфәнде. Һәм менә, ниһаять, ул әлеге хыялын тормышка ашырган.
Кызыклы яңалыкларны күзәтеп бару өчен Телеграм-каналга язылыгыз