Спорт 2 сентябрь 2016 13:36

«Рубин» ярымсакчысы Рифат Җамалетдинов Россия яшьләр җыелмасында уйный башлады

19 яшьлек футболчының ил командасында беренче уены Фарер утраулары җыелмасына каршы үтте

Скопировать ссылку

(Казан, 2 сентябрь, «Татар-информ»). 1 сентябрьдә Фарердагы «Тофтир» стадионында «Рубин»ның 19 яшьлек ярымсакчысы Рифат Җамалетдинов Россия яшьләр җыелмасы составында Европа-2017 U-21чемпионатының сайлап алу матчы кысаларында беренче уенда катнашты. Бу хакта «Рубин» футбол командасының матбугат хезмәте хәбәр итте.

Россия җыелмасының көндәше Фарер утраулары җыелма командасы булды. Җиңү 3:0 исәбе белән Николай Писарев уенчылары файдасына тәмамланды.

Рифат Җамалетдинов матчны тулаем уйнап чыкты.

Киләсе матч Мәскәүдә узачак. Анда Россия командасы 6 сентябрьдә Австрия җыелмасы белән очрашачак.

#Рубин #Рифат Җамалетдинов

Сәхифәләр

«Рубин» ярымсакчысы Рифат Җамалетдинов Россия яшьләр җыелмасында уйный башлады