“Рубин” шәхси футбол клубы булды
Юридик затны алмаштыру эшләре тәмамланган, команда Россия чемпионаты составына яңа сыйфатта кертелгән.
Скопировать ссылку
(Казан, 16 март, “Татар-информ”, Алексей Анисимов). “Рубин” футбол командасы “муниципаль автономияле учреждение”дән “җаваплылыгы чикләнгән җәмгыять”кә үзгәртелеп, рәсми рәвештә шәхси булды. Бу хакта Россия футбол берлеге матбугат хезмәте хәбәр итә.
Россия футбол берлегенең башкарма комитеты бюросы утырышында барлык кирәкле процедуралар тәмамланган. “Рубин”ның төп һәм яшьләр командалары Россия чемпионаты составына яңа сыйфатта кертелде.