Спорт 17 апрель 2018 14:05

«Рубин»ның матбугат хезмәте якын көннәрдә клубта үзгәрешләр булачагын әйтте

Моңа кадәр матбугатта «Рубин»ның генераль директоры алышыначак дигән мәгълүмат дөнья күргән иде.

Скопировать ссылку

(Казан, 17 апрель, «Татар-информ», Алексей Анисимов). Казанның «Рубин» футбол клубы матбугат хезмәтендә якын көннәрдә команда җитәкчелегендә кадрлар алышыначагы хакында хәбәр иттеләр. Аларның исемнәрен әлегә сер итеп саклыйлар.

Моңа кадәр матбугатта «Рубин»ның генераль директоры алышыначак дигән мәгълүмат дөнья күргән иде: Рөстәм Сәяховны команданың спорт директоры Рөстәм Сайманов алыштырачак. «Дөрестән дә, якын көннәрдә клубта үзгәрешләр булачак. Без алар хакында сайтта рәсми рәвештә хәбәр итәчәкбез», - дип белдерделәр «Рубин»ның матбугат хезмәтендә.

#Рубин #футбол

Сәхифәләр

«Рубин»ның матбугат хезмәте якын көннәрдә клубта үзгәрешләр булачагын әйтте