Спорт 16 декабрь 2009 14:04

“Рубин” өлешенә кем чыгар?

Бүген Ауропа Лигасында узачак очрашулардан соң, плей-оффта уйнаячак барлык командаларның исемнәре билгеле булачак

Скопировать ссылку

(Казан, 16 декабрь, “Татар-информ”, Айгөл Фәхретдинова). Бүген Ауропа Лигасында чыгыш ясаучы командалар төркем этабындагы ахыргы очрашуларын уздыра. Аның нәтиҗәсендә турнирдан төшеп калачак һәм Ауропа лигасының плей-оффында көрәшне дәвам итәчәк командалар тәгаенләнә. Чемпионнар Лигасының төркем этабын өченче урында төгәлләп, Ауропа Лигасының 1/16 финалына юллама алган “Рубин” язын әлеге “фронт”та көрәшне дәвам итәчәк. Шулай булгач, бүгенге матчлар аның булачак көндәшләрен барлау ягыннан да кызыклы.

Россия чемпионы 1/16 финалда очрашачак көндәшенең исемен 18 декабрьдә, җирәбәдән соң беләчәк.

Сәхифәләр

“Рубин” өлешенә кем чыгар?