"Рубин" командасының ике уенчысы Россия яшьләр футбол җыелмасына чакырылган
Илзат Әхмәтов белән Рифат Җамалетдинов ил җыелмасы составында Үзбәкстан һәм Белоруссия командаларына каршы уенга әзерләнә.
(Казан, 17 май, "Татар-информ"). Казанның "Рубин" командасы футболчылары – һөҗүмче Рифат Җамалетдинов белән ярымсакчы Илзат Әхмәтов Россия яшьләр җыелмасына чакыру алган.
Евгений Бушманов җитәкләгән команда составына 24 футболчы чакыру алган. Яшьләр командасы 27 майда – Ташкентта Үзбәкстан, 31 майда – Мәскәүдә Белоруссия футболчылары белән контроль очрашулар уздыра.
Уеннарга әзерлек уңаеннан Новогорскидагы җыеннар 23 май – 1 июнь көннәрендә үткәрелә. Бу – яшь футболчыларның хәлиткеч уеннар алдыннан соңгы җыены. 31 августта команда 21 яшькә кадәрге футболчыларның Европа чемпионатына сайлап алу турнирын башлый.
