Спорт 23 октябрь 2019 21:24

«Рубин» командасының ике литр канын югалткан уенчысының хәле яхшырган

Казан клубы футболчысы Вячеслав Фомин Домодедово шәһәренең үзәк хастаханәсендә дәвалана.

Скопировать ссылку

(Казан, 23 октябрь, «Татар-информ»). «Рубин» яшьләр командасы уенчысы Вячеслав Фомин җомга көнне кич, 18 октябрьдә «Спартак»ка каршы яшьләр беренчелеге матчыннан соң, реанимациягә эләккән иде. Уен вакытында футболчыга тез белән бәрелгәннәр, шул сәбәпле эченә кан сауган. Спортчы ике литр канын югалткан. Хәзер ул үзен яхшырак хис итә башлаган.

Аңа «Домодедово»га барганда ашыгыч ярдәм машинасында операция ясаганнар. Дүшәмбе, 21 октябрьдә, Вячеслав Фомин Домодедово Үзәк шәһәр хастаханәсендә реанимациядән хирургия бүлегенә күчерелде.

«Әлегә уртача авыр хәлдә, дәвалау дәвам итә. Әмма ул активлашты, аякка ешрак баса», - диде «Рубин» яшьләр командасы табибы Илшат Хәбиров. Уенчы янында ата-аналары кизү тора.

#"рубин" #футбол

Сәхифәләр

«Рубин» командасының ике литр канын югалткан уенчысының хәле яхшырган