Спорт 20 август 2017 08:46

"Рубин" футболчылары үз кырында "Анжи" командасын тар-мар итте

Бу "Рубин"ның премьер-лигадагы иң зур исәп аермасы белән җиңүе булды.

Скопировать ссылку

(Казан, 20 август, “Татар-информ”). Казанның “Рубин” футболчылары Россия чемпионатының 7 нче турында “Казан Арена” стадионында Махачкаланың “Анжи” командасын отты. 11252 тамашачыны үзенә җыйган әлеге матч 6:0 исәбе белән төгәлләнде.

Шунысы да игътибарга лаек: әлеге уңыш “Рубин”ның премьер-лигада чыгыш ясаган вакытындагы иң зур исәп аермасы белән җиңүе булды.

Чемпионатның 7 турыннан соң “Рубин” футбол командасы исәбендә 11 очко бар. Команда әлегә 6 нчы урынга урнашты. 26 августта Корбан Бердыев шәкертләре “Казан Арена”да “Тосно” командасы белән очраша.

Футбол. Россия чемпионаты. 7 нче тур. “Рубин” (Казан) – Анжи (Махачкала) – 6:0 (3:0).

1:0 – Жонатас, 4

2:0 – Карадениз, 16

3:0 – Жонатас, 31

4:0 – Нәбиуллин, 63

5:0 – Мвилла, 85

6:0 – Лестьенн, 86.

“Рубин”ның составы: Рыжиков, Кудряшов, Сорокин, Гранат, Нәбиуллин (Сигурдссон, 70), Бауэр, Мвила, Оздоев, Жонатас (Азмун, 46), Карадениз, Җамалетдинов (Лестьенн, 66).

#Рубин #футбол

Сәхифәләр

"Рубин" футболчылары үз кырында "Анжи" командасын тар-мар итте