Спорт 12 август 2017 15:28

"Рубин" футболчылары "СКА-Хабаровск" командасы белән уенга әзерләнә

Премьер-лигада тәүге сезонын уздыра торган команда белән Казан футболчыларының Россия кубогы ярышларында очрашканы бар иде инде.

Скопировать ссылку

(Казан, 12 август, "Татар-информ"). 13 августта Казанның "Рубин" футболчылары Россия чемпионатының 6 нчы турында Хабаровскида "СКА-Хабаровск" командасы белән очраша. Әлеге матч Мәскәү вакыты белән 11.00 сәгатьтә башлана.

"СКА-Хабаровск" Россия футол премьер-лигасында әле тәүге сезонын гына уздыра. Чемпионаттагы беренче уеннар команда өчен уңышсыз булды – Хабаровск футболчылары бер-бер артлы "коры исәп" белән "Зенит", "Арсенал", ЦСКА һәм "Локомотив" командаларына оттырды. Ә 5 нче турда тарихи җиңүен яулады – "Анжи" командасыннан өстен чыкты.

Әлеге команда белән Казан футболчыларының Россия кубогы ярышларында очрашканы бар иде инде: 2015 елда Хабаровскида хуҗалар (2:0), ә 2016 елның көзендә "Казан Арена"да "Рубин" футболчылары җиңү яулады (1:0).

"СКА-Хабаровск" – "Рубин" матчын Мәскәү арбитры – 46 яшьлек Алексей Николаев җитәкләгән бригада хөкем итәчәк.

#Рубин #футбол

Сәхифәләр

"Рубин" футболчылары "СКА-Хабаровск" командасы белән уенга әзерләнә