Спорт 30 сентябрь 2017 21:41

"Рубин" футболчылары Казанда "Амкар" командасына оттырды

Казан командасы Россия чемпионатында рәттән дүртенче тапкыр оттыра.

Скопировать ссылку

(Казан, 30 сентябрь, “Татар-информ”, Фәрит Салихов). Казанның “Рубин” футболчылары Россия чемпионатының 12 нче турында “Казан Арена” стадионында Пермьнең “Амкар” командасына оттырды – 0:1.

Кунакларга җиңү китергән бердәнбер тупны Януш Гол уенның 83 нче минутында кертте.

Бу “Рубин” өчен Россия чемпионатында рәттән дүртенче тапкыр җиңелү булды. Шунысы кызык: әлеге 4 уенда да “Рубин” 0:1 исәбе белән оттырды.

Бүгенге матч Корбан Бердыевның “Рубин” белән уздырган 500 нче уен иде.

15 октябрьдә “Рубин” кунакта “Ростов белән очраша.

Футбол. Россия чемпионаты. 12 нче тур. “Рубин” (Казан) – “Амкар” (Пермь) – 0:1 (0:0). Гол: Гол, 83 нче минут.

“Рубин”ның составы: Джанаев, Кудряшов, Навас, Сигурдссон, Гранат, Бауэр, Мвила, Оздоев, Карадениз (Лестьенн, 73), Азмун, Канунников (Җамалетдинов, 62).

#Рубин #футбол

Сәхифәләр

"Рубин" футболчылары Казанда "Амкар" командасына оттырды