Спорт 25 март 2017 10:51

"Рубин" футболчылары ил җыелмасы составында уенга чыкты

Казан командасыннан җыеннарга Илзат Әхмәтов, Рифат Җамалетдинов һәм Максим Канунников чакрылган иде.

Скопировать ссылку

(Казан, 25 март, "Татар-информ", Фәрит Салихов). Кичә Россия футбол җыелмасы Кот-д’Ивуар командасына каршы контроль матчта 0:2 исәбе белән оттырды. Игорь Акинфеев саклаган капкага голлар уенның 29 һәм 70 нче минутында кертелде.

Әлеге уенда Казанның "Рубин" командасы һөҗүмчесе Максим Канунников та катнашты. Максим матчның 75 нче минутында Александр Бухаровны алмаштырды. Чираттагы иптәшләрчә уенны Россия футболчылары 28 мартта Сочида Бельгия җыелма командасына каршы уздыра.

Ә Россиянең яшьләр җыелма командасы Испаниядә җыеннар вакытында Румыниядән булган яшьтәшләре белән очрашты. Евгений Бушманов җитәкчелегендә беренче матчын уздырган Россия командасы зур өстенлек белән җиңү яулады – 5:1. Әлеге матчта "Рубин"ның җыеннарга чакырылган ике футболчысы да катнашты: Рифат Җамалетдинов 65 нче минутта, исәп әле 1:1 булганда уенга чыкса, Илзат Әхмәтов уйный башлаган 75 нче минутта исәп 3:1 иде инде. Шунысын да әйтергә кирәк, Илзат әле ил җыелмасына беренче тапкыр гына чакырылды.

Яшь футболчылар 28 мартта Норвегия командасы белән контроль матч уздыра.

#Рубин #Россия футбол җыелмасы

Сәхифәләр

"Рубин" футболчылары ил җыелмасы составында уенга чыкты