Спорт 15 ноябрь 2017 16:42

«Рубин» футболчылары ил җыелмаларында чыгыш ясады

Казан командасы Россия чемпионатының 17 нче тур уенына әзерләнә.

Скопировать ссылку

(Казан, 15 ноябрь, «Татар-информ»). «Рубин» футболчылары 18 ноябрьдә Тулада «Арсенал» командасына каршы Россия чемпионатының 17 нче тур уенына әзерләнә. Шул уңайдан команда иртәгә ачык күнегүләр уздырырга ниятли.

Ул арада «Рубин»ның бер төркем уенчысы кичә үз ил җыелмасы өчен уеннарда катнашты. Сакчы Федор Кудряшов Россия-Испания (3:3) матчында старт составында уенга чыгып, 75 нче минутка кадәр чыгыш ясады.

Тагын бер сакчы Рагнар Сигурдссон исә Исландия җыелмасы составында Катар командасына каршы матчның (1:1) беренче таймында уйнады.

Ә Мориц Бауэр Австрия җыелмасы өчен тулы матч уздырды: аның командасы Уругвай футболчыларын отты (2:1).

#Рубин #футбол

Сәхифәләр

«Рубин» футболчылары ил җыелмаларында чыгыш ясады