Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
"Рубин" футболчылары бүген "Спартак" командасы белән очраша
Уенны "Матч ТВ" каналы аша карарга була.
(Казан, 13 февраль, "Татар-информ", Фәрит Салихов). Испаниянең Марбелья шәһәрендә җыеннар уздыручы Казанның "Рубин" футболчылары бүген дүртенче контроль очрашуын уздыра. Көндәше – Мәскәүнең "Спартак" командасы.
"Спартак" бу кышта трансфер базарында актив эш алып бара. Состав сизелерлек ныгыды – һәр позициядә яңа уенчылар пәйда булды. Әйтик, капкачы – Александр Селихов һәм сакчы Георгий Джикия, ярымсакчы Александр Самедов моңа кадәр илнең башка командаларында яхшы уен күрсәткән футболчылар. Ә һөҗүмчеләр сафын үз карьерасында Украинаның "Шахтер" командасы белән УЕФА кубогы яулаган, Бразилия җыелмасында уйнау тәҗрибәсе булган Луис Адриано ныгытты.
Мәскәү вакыты белән 16:00 сәгатьтә башланачак уенны туры эфирда "Матч ТВ" каналы күрсәтәчәк.
Сүз уңаеннан, кышкы тәнәфестәге җыеннар вакытында "Рубин" Испаниядә өч уен уздырды инде: Болгариянең ЦСКА (4:2) һәм Япониянең "Сёнан Бельмаре" (2:1) командаларын отты, ә Хорватиянең "Осиек" клубына оттырды (1:2).
Кызыклы яңалыкларны күзәтеп бару өчен Телеграм-каналга язылыгыз