news_header_top_970_100
news_header_bot_970_100

“Рубин” – “Бордо” матчын караучы тамашачыларга Үзәк стадионга вакытыннан алда килергә киңәш ителә

Матч сәгать 22.00 башлана

 (Казан, 30 сентябрь, "Татар-информ"). 1нче октябрь көнне Казанның Үзәк стадионында үтәчәк “Рубин” – “Бордо” футбол матчын караучы тамашачыларга спорт чарасын үткәрү урынына вакытыннан алда килергә киңәш ителә.

Татарстан Республикасы буенча Эчке эшләр министрлыгы билгеләп үткәнчә, шәһәрнең Үзәк стадионында “Рубин” (Казан) һәм “Локомотив” (Мәскәү) командалары арасында үткән матчка җанатарларның күпчелеге чара башланырга 15-20 минут кала килеп җиткәннәр. Халык саны күп булу сәбәпле, керү юлында тоткарлыклар килеп чыккан, шунлыктан, тамашачылар беренче тайм тәмамланган вакытта гына эчкә үтә алганнар.

Шуңа 1нче октябрьдә үтәчәк матчка тамашачыларның вакытыннан алда килүләре сорала.

“Рубин” – “Бордо” командалары арасындагы матч сәгать 22.00 башлана.

Моннан тыш, яше 16-дан артып китмәгән балигъ булмаганнар сәгать 22.00 соң урам, стадион, парк һәм скверларда бары тик әти-әниләре (яки аларны алыштыручы затлар) белән генә йөри ала, дип искәртә Казан мэриясе.                      

news_right_column_1_240_400
news_right_column_2_240_400
Медиаметрикс
news_bot_970_100