«Рубин» Берләшкән Гарәп Әмирлекләренә беренче кышкы җыенга юл тотты
Кытайның «Шанхай СИПГ» командасы белән беренче контроль матч 15 гыйнварга билгеләнгән.
(Казан, 6 гыйнвар, «Татар-информ»). Бүген Казанның «Рубин» клубы Берләшкән Гарәп Әмирлекләренә беренче кышкы җыенга китте. Команда Татарстан башкаласыннан Әбу-Дабига юл тотты, дип хәбәр итә клубның матбугат хезмәте.
Җыенга Сергей Рыжиков, Тимур Акмурзин, Олег Кузьмин, Федор Кудряшов, Эльмир Нәбиуллин, Владимир Гранат, Егор Сорокин, Руслан Камболов, Магомед Оздоев, Георгий Махатадзе, Вячеслав Подберезкин, Илзат Әхмәтов, Реза Шекари, Мийо Цакташ, Рифат Җамалетдинов, Максим Канунников, Никита Михайлов, Григорий Җиһаншин, Илья Гыйләҗетдинов, Михаил Яковлев һәм Никита Голдобин китте.
Сослан Джанаев, Сесар Навас, Гекдениз Карадениз, Сердар Азмун һәм Илья Шабанов аларга Берләшкән Гарәп Әмирлекләрендә кушылачак.
Беренче контроль матч 15 гыйнварга билгеләнгән. Кытай Суперлигасында чыгыш ясаучы «Шанхай СИПГ» клубы Казан командасының көндәше булачак. Җыен 19 гыйнварда төгәлләнә.