Спорт 28 декабрь 2004 15:21

"Рубин" беренче өйрәнү җыенын Кипрда тәмамлады

Скопировать ссылку

(Казан, 28 декабрь, “Татар-информ”). Казан футболчылары Кипрда үткән беренче өйрәнү җыенында бер контроль матчы уйнады. 3:1 исәбе белән җирле "Саламина" клубы җиңелгән. Җиңүчеләрнең голлары Радослав Булич, Ленар Гыйльмуллин һәм Александр Бохараев исәбендә.

Казан командасының икенче җыены 3 гыйнварда Төркиядә үтәчәк. Анда клубның төп уенчылары катнашачак. Моннан тыш, Төркиягә җыенга баручылар исемлегендә соңгы биш елын Пермьның "Амкар"ында үткәргән Казан футболы тәрбияләнүчесе Рөстәм Хуҗин һәм узган сезонның ахырын аренда хокукы кысаларында Самараның "Крылья Советов"та уйнаган бразилияле Рони да бар.

Сәхифәләр

"Рубин" беренче өйрәнү җыенын Кипрда тәмамлады