Спорт 12 март 2017 15:34

Ростуризм башлыгы 2018 елдагы Дөнья чемпионатына турист карталарын булдырырга куша

"Кырымның кунак картасы" ярдәмендә ярымутрау кунакларына мәдәни һәм табигый объектларда булганда ташлама ясала.

Скопировать ссылку

(Казан, 12 март, "Татар-информ"). Ростуризм башлыгы Олег Сафронов 2018 елда футбол буенча дөнья чемпионаты уеннары үткән һәр шәһәрдә туристлар өчен махсус карталар ясарга тәкъдим итә. Бу хакта ТАСС агентлыгы язып чыкты.

Андый карталар берничә туристлар объектында булырга мөмкинлек бирә. Бу хакта Олег Сафронов илдәге туризмның актуаль сораулары буенча узган Бөтенроссия киңәшмәсендә белдерде.

Мисалга ул “Кырымның кунак картасы”н китерде. Аның ярдәмендә ярымутрау кунакларына мәдәни һәм табигый объектларга ташлама ясала.

“Без футбол буенча дөнья чемпионаты узган шәһәрләрдә бу проектны чынга ашыруны сорыйбыз”, – диде Сафронов.

Ул ассызыклаганча, 2017 елда Конфедерацияләр кубогы һәм 2018 елгы Дөнья чемпионаты узган шәһәрләрдә дөнья дәрәҗәсендә булырлык югары сыйфатлы инновацион турист эшләнмәләре ясалырга тиеш.

Искәртеп үтәбез, конфедерация Кубогы 17 июнь көненнән 2 июльгә кадәр Мәскәү, Санкт-Петербурга, Сочи һәм Казанда үтәчәк.

#Туризм #футбол

Сәхифәләр

Ростуризм башлыгы 2018 елдагы Дөнья чемпионатына турист карталарын булдырырга куша