Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары вазифасын башкаручы
Зилә Мөбәрәкшина
Ростов өлкәсендә Советлар Союзы Герое Муса Җәлил истәлегенә ачык дәрес булды
16 февральдә Ростов өлкәсе Татар мәдәни үзәгендә легендар шагыйрь һәм Советлар Союзы Герое Муса Җәлилнең туган көненә багышланган ачык дәрес узды. Бу хакта Бөтендөнья татар конгрессы хәбәр итә.
Чара «Татар теле» курсында катнашучыларны, кунакларны һәм укытучыларны 1944 елның августында һәлак булган шагыйрь һәм аның көрәштәшләрен искә алу өчен берләштерде.
Дәрес программасы ике өлешкә бүленгән иде. Беренче өлештә курс укучылары Муса Җәлилнең тормышы һәм батырлыгы, шулай ук шагыйрьнең фашистлар җәзалап үтергән иптәшләренең язмышы турында лекцияләр тәкъдим итте. Икенче өлештә укучылар туган татар телендә Җәлилнең һәм фронтовик шагыйрьләрнең шигырьләрен укыды.
Кунаклар чараның яшь буынга патриотик тәрбия бирү өчен әһәмиятен югары бәяләде, сугыш геройлары турында истәлекне саклау мөһим булуны ассызыклады. Катнашучылар татар теле һәм әдәбияты курслары укытучыларына мәдәни мирасны саклауга керткән өлеше өчен аерым рәхмәт сүзләре җиткерде.
Очрашу Габдулла Тукай шигырьләренә язылган «Туган тел» җырын башкару белән тәмамланды. Ачык дәрес бөек шагыйрьгә хөрмәт күрсәтү чарасы булып кына калмады, буыннар арасында тарих һәм туган тел белән элемтәне ныгытучы җанлы күпер ролен дә үтәде, диелә хәбәрдә.
Кызыклы яңалыкларны күзәтеп бару өчен Телеграм-каналга язылыгыз