Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Ростов өлкәсендә татар авылы Кызыл Авылның юбилее узачак
«Гражданлык инициативаларын үстерү агентлыгы» коммерцияле булмаган автоном оешмасы ярдәме белән «Якташлар» татар-башкорт мәдәни үзәге Ростов өлкәсе җәмәгать оешмасы Ростовның Обливский районында сакланып калган бердәнбер татар авылы Кызыл Авылның 90 еллык юбилеена чакыра. Чара 7 сентябрьдә Обливский район мәдәният йортында 14:30 сәгатьтә узачак. Бу хакта Бөтендөнья татар конгрессы хәбәр итә.
- Кызыл Авылга 1930 елларда бик матур далалы җирлектә нигез салынган. Узган елларда ул үсеш алган инфраструктуралы һәм бай тарихлы чәчәк атучы бистәгә әйләнгән.
Юбилей уңаеннан тантаналы чаралар планлаштырыла, шул исәптән: «Татар мәдәнияте күргәзмәсе», «Татар милли сый-хөрмәтләре» кебек чаралар, Ростов өлкәсе, Татарстан Республикасы һәм Донецк Халык Республикасы иҗат коллективлары катнашында гала-концерт, Кызыл Авыл тарихына багышланган фотографияләр һәм документлар күргәзмәсе.
Бәйрәмгә рәсми затлар, бистәдә яшәүчеләр һәм барлык татар халкы мәдәнияте белән кызыксынучылар чакырылган.
«Без «Дон татарлары - мәдәни мирасны саклау» проекты кысаларында тантаналы бәйрәм оештырабыз. Кызыл Авылның 90 еллыгы – аның тарихында мөһим вакыйга. Без авылыбыз һәм аның үсешенә зур өлеш керткән халкыбыз белән горурланабыз. Юбилей – ул үткәнгә әйләнеп карау һәм казанышларны билгеләп үтү, шулай ук киләчәккә оптимизм белән карау өчен менә дигән мөмкинлек», - дип билгеләп үтте «Якташлар» җәмгыяте рәисе Надия Курмакаева.
Кызыл Авылның юбилее – бистәнең бай үткәненә хөрмәт күрсәтү һәм аның алга таба үсүенең ачык дәлиле булып тора. Бәйрәм чаралары анда катнашкан һәркем өчен онытылмаслык вакыйга булачак, диелә хәбәрдә.
Кызыклы яңалыкларны күзәтеп бару өчен Телеграм-каналга язылыгыз