Татар дөньясы 11 февраль 2019 10:30

Ростов-на-Дону татарлары Милли үсеш стратегиясе эскизы белән танышачак

Чарада Көньяк һәм Төньяк Кавказ Федераль округындагы татар иҗтимагый оешмалары катнашуы көтелә.

Скопировать ссылку

(Казан, 11 февраль, "Татар-информ"). 17 февраль көнне Ростов-на-Дону татарлары Милли үсеш стратегиясе эскизы белән таныша алачак. Бу хакта җирле татарларның һәм башкортларның "Якташлар" оешмасы хәбәр итә.

Чарада Татарстан кунакларыннан тыш, Көньяк һәм Төньяк Кавказ Федераль округындагы татар иҗтимагый оешмалары катнашуы көтелә.

Рәсми өлештән соң Татарстан Республикасы сәнгать осталары концертын тамаша кыларга мөмкин булачак.

Стратегия "Кем мин - татар булмагач" дип атала. Аның нигезендә 2020 елга бердәм социомәдәни тирәлек булдыру ниятләнә. 2030 елга татар тормышын заманга тәңгәлләштерү, 2050 елга милләтнең тотрыклы үсешенә ирешү планлаштырыла.

#ростов-на-дону #милли стратегия

Сәхифәләр

Ростов-на-Дону татарлары Милли үсеш стратегиясе эскизы белән танышачак