Татар дөньясы 6 апрель 2019 17:31

Ростов-Дон татарлары мәктәп укучыларын татар һәм башкорт халкы мәдәнияте белән таныштырган

"Безнең милләтләрнең Донда популяр булуы бик күңелле",-ди "Якташлар" җәмгыяте вәкилләре.

Скопировать ссылку

(Казан, 6 апрель, "Татар-информ"). Ростов-Дон шәһәрендә яшәүче милләттәшләр "Донның 150 проекты"нда катнашып, мәктәп укучыларын татар һәм башкорт мәдәниятләре белән таныштырган. Бу хакта җирле татарларның "Якташлар" оешмасы хәбәр итә.

Чара 4 апрельдә Дон дәүләт иҗтимагый китапханәсендә үткән. Анда 6-8 сыйныф укучылары катнашкан.

"Якташлар" җәмгыяте, үз чиратында, татар һәм башкорт халкы хакында тарихи-географик белешмә биргән. Укучыларны тарихыбыз, милли гореф-гадәтләр, йолалар, мәдәнитебез белән таныштырган.

Моннан тыш, бәйгеләр, конкурслар, мастер-класслар үткәрелгән. Бәйге җиңүчеләренә бүләкләр тапшырылган.

"Залның тулы булуы күңелне шатландыра. Безнең милләтләрнең Донда популяр булуы бик күңелле", - диелә хәбәрдә.

#татарлар #ростов-дон

Сәхифәләр

Ростов-Дон татарлары мәктәп укучыларын татар һәм башкорт халкы мәдәнияте белән таныштырган