Рөстәм Заһидуллин: Урам күрсәткечләрен ике телдә куюда уңай динамика күзәтелә

«Орфографик, тыныш билгеләрендә хаталар, татар һәм рус телләрендәге текстларның бертөрле эчтәлектә булмавы кискен сорау булып кала», - диде юстиция министры.

Скопировать ссылку

Татарстанның юстиция министры Рөстәм Заһидуллин әйтүенчә, урам күрсәткечләрен ике телдә итүдә уңай динамика күзәтелә.

ТР Министрлар Кабинеты каршындагы Татарстан телләре турында законны гамәлгә ашыру буенча совет утырышында ул шул хакта әйтте.

“Җирле үзидарә органнары белешмәләре буенча, 49 меңнән 72 күрсәткеч кенә тәрҗемә ителмәгән. 100 процент күрсәткечкә Алабуга белән Әлмәттә генә ирешелмәгән. Быел бу эш аларда да төгәлләнер дип ышанам”, - диде министр. Ләкин, аның сүзләренчә, хаталы тәрҗемә очраклары барыбер бар.

"Орфографиядә, тыныш билгеләрендә хаталар, татар һәм рус телләрендәге текстларның бертөрле эчтәлектә булмавы кискен сорау булып кала. Хаталы текст вариантлары да ачыклана. Хосусый оешмаларда да шушы хәл күзәтелә. Район һәм шәһәр округлары җитәкчеләрен, вазгыятькә анализ ясап, чаралар күрүен сорыйм”, - дип белдерде Рөстәм Заһидуллин.

Сәхифәләр

Рөстәм Заһидуллин: Урам күрсәткечләрен ике телдә куюда уңай динамика күзәтелә