Рөстәм Миңнеханов Яңа ел бәйрәмнәре чорында иминлек чараларын көчәйтергә кушты
Скопировать ссылку
Татарстан Рәисе Рөстәм Миңнеханов Яңа ел бәйрәмнәре чорында гражданнарның иминлеген тәэмин итәргә кушты. Бу хакта ул бүген ТР Хөкүмәте йортында узган киңәшмәдә белдерде.
ТР Рәисе хакимият органнарына Яңа ел чаралары вакытында барлык иминлек таләпләренең катгый үтәлешен тәэмин итү бурычын куйды. Шул ук вакытта Рөстәм Миңнеханов хакимият органнары белән гражданлык җәмгыяте арасындагы тыгыз хезмәттәшлекнең, шулай ук барлык кирәкле инфраструктура һәм оператив хезмәтләрнең өзлексез эшләвенең мөһимлегенә игътибар итте.
«Беркем дә читтә калмаска тиеш», — диде Татарстан Рәисе.