Рөстәм Миңнеханов яңа дустын – керпене күрсәтте
- ВКонтакте
- Telegram
- РћРТвЂВВВВВВВВнокласснРСвЂВВВВВВВВРєРСвЂВВВВВВВВ
- РњРѕР№ Р В Р’В Р РЋРЎв„ўР В Р’В Р РЋРІР‚ВВВВВВВВРЎР‚
Скопировать ссылку
Татарстан Рәисе Рөстәм Миңнехановның яңа дусты (керпе) барлыкка килгән. Республика җитәкчесе Телеграм-каналында аның фотосын куйган.
«Безнең яңа дус! Керпе!», - дип язган республика Рәисе.
Аннан күренгәнчә, фото урман посадкасында төшерелгән.
Фото: © Республика җитәкчесе Телеграм-каналы
Кыргый табигатьтә керпеләр күбесенчә урман, дала һәм чүлләрдә яши. Бу чәнечкеле җәнлек агач тамырлары астында, куе куаклыкта, ташлар астында оя ясый. Кагыйдә буларак, төнге тормыш рәвеше алып баралар, әмма кайбер төрләре көндез дә активлаша.
Керпеләр бөтен нәрсәне ашый, әмма умырткасызлар, амфибияләр, сөйрәлүчеләрне өстен күрәләр, аларны хәтта елан агуы да куркытмый. Шулай ук үләксә, кош йомыркалары белән дә тукланалар.
Керпеләр ялгыз яшәү рәвеше алып бара һәм, кагыйдә буларак, азык эзләү өчен үз участоклары була. Аларның гомер озынлыгы - 8-10 ел.
Искәртеп үтәбез, Рөстәм Миңнехановның шулай ук Акдус кушаматлы эте дә бар.