Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Рөстәм Миңнеханов химия буенча Марковников исемендәге премия тапшыру комитетын киңәйтте
Татарстан Рәисе Рөстәм Миңнеханов органик химия өлкәсенә зур өлеш керткән өчен В.В.Марковников исемендәге Халыкара премия тапшыру комитетын киңәйтте. Шул хактагы указ хокукый мәгълүмат порталында урнаштырылган.
Составны дүрт кеше тулыландырды, алар – ТР Фәннәр академиясе президенты Рифкать Миңнеханов, КФУның А.М.Бутлеров исемендәге Химия институты директоры Марат Җиһаншин, «Россия Фәннәр академиясенең Казан фәнни үзәге» Федераль тикшеренү үзәгенең аерымланган структур бүлекчәсе – А.Е.Арбузов исемендәге Органик һәм физик химия институты җитәкчесе Андрей Карасик һәм Россия Фәннәр академиясенең Н.Д.Зелинский исемендәге Органик химия институты директоры вазифаларын башкаручы Александр Терентьев.
Комитеттан Мәгъзүм Сәлахов чыкты (даими нигездә эшләү өчен Татарстан Дәүләт Советы депутаты итеп сайланды, ТР Фәннәр академиясе президенты вазифасыннан китте).
Искәртеп узабыз, Халыкара премия республикада химия фәнен алга таба үстерү һәм тикшеренүчеләрне бүләкләү максатыннан гамәлгә куелды. Владимир Марковников – Казан химия мәктәбенең күренекле вәкиле, Александр Бутлеровның укучысы, органик кушылма молекулаларында атомнарның үзара йогынтысы турында тәгълимат авторы.
Кызыклы яңалыкларны күзәтеп бару өчен Телеграм-каналга язылыгыз