Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Рөстәм Миңнеханов Халыклар бердәмлеге көне уңаеннан видео күрсәтте
Татарстан Рәисе Рөстәм Миңнеханов үзенең Телеграм-каналында Халыклар бердәмлеге көне уңаеннан видео күрсәтте.
Видеода төрле милләт кешеләре күрсәтелә, алар бергәләшеп бәйрәмгә – Халыклар берәмлеге көненә әзерләнә. Бер-берсенә ризыклар әзерләргә булыша, бергәләп табын коралар, бәйрәм итәргә утыргач, бер-берсен котлыйлар. Роликта Татарстан Халыклары ассамблеясенең милли бергәлекләр вәкилләре төшкән.
«Бәйрәмгә әзерләнү – һәрвакыт дулкынландыра. Әмма иң мөһиме, бу вакытта якыннарыңның янәшә булуы, аларның һәммәсе аеруча якын, алар белән бергә булу мизгелләре – алтын бәясенә тиң!» – диелә видеороликта.
Рөстәм Миңнеханов постта язганча, Татарстан милләтләр дуслыгы һәм үзара аңлашу үрнәге булып тора.
«Бәйрәм белән дуслар! Безнең көч – бердәмлектә! Татарстан – милләтләрнең һәм конфессияләрнең дус һәм аңлашып яшәү үрнәге. Бергә булыйк – бердәм булыйк!» – дип язган республика җитәкчесе.
Кызыклы яңалыкларны күзәтеп бару өчен Телеграм-каналга язылыгыз