Рөстәм Миңнеханов Wildberries генераль директоры Татьяна Ким белән очрашты
Скопировать ссылку
Татарстан Рәисе Рөстәм Миңнеханов Wildberries генераль директоры Татьяна Ким белән очрашты. Әңгәмә «РОСТКИ» Россия-Кытай хезмәттәшлеге II форумы кысаларында узды, дип хәбәр итте ТР Рәисе матбугат хезмәте җитәкчесе Лилия Галимова.
Яклар компаниянең Татарстан территориясендә гамәлгә ашырылучы проектлары турында сөйләште.
Хәзерге вакытта маркетплейста 2,7 меңнән артык Татарстан сатучысы теркәлгән. Төбәк сатулар суммасы буенча Идел буе федераль округында лидер булып тора. Бу елның ун аенда күрсәткеч 71 миллиард сумны тәшкил итә.