Рөстәм Миңнеханов төзүчеләргә Татарстанда өч юл объекты төзүләре өчен рәхмәт белдерде
Татарстан Рәисе Рөстәм Миңнеханов бүген өч яңа юл объекты ачылганнан соң төзүчеләргә телеграм-каналында хезмәтләре өчен рәхмәт белдерде.
«Бүген без берьюлы берничә юл объектын ачтык. Алар – Бу реконструкцияләнгән Горький шоссесының 17 километрдан артык участогы һәм Зур Яшел Үзәндә 6 километрдан артык озынлыктагы яңа автомобиль юлы. Моннан тыш, М7 «Идел» автоюлы участогында 761нче километрдан 771нче километрга кадәр хәрәкәт ачылды», - дип искәртте ул.
Фото: t.me/rustamminnikhanov/
«Барлык юл һәм төзелеш хезмәткәрләренә чын күңелдән рәхмәт әйтәсем килә! Сезнең көндәлек фидакарь хезмәтегез нәтиҗәсе буларак, халкыбыз республикада уңайлы һәм имин юлларда йөри. Рәхмәт! Алга таба да шулай нәтиҗәле эшлик!, - дип белдерде Рөстәм Миңнеханов.
Татарстан Рәисе шулай ук өч яңа юл объектын ачу танатнасыннан ике фото да куйды.