Рөстәм Миңнеханов Татарстанда сайлау барышын даими контрольдә тотарга кушты
Скопировать ссылку
Татарстан Рәисе Рөстәм Минниханов Дәүләт Думасы депутатларын сайлауда тавыш бирү барышын даими контрольдә тотарга кушты. Бу хакта ул Хөкүмәт йортында узган киңәшмәдә белдерде.
Рөстәм Миңнеханов тавыш бирүнең куркынычсызлыгын һәм легитимлыгын тәэмин итүне өстенлекле бурычлар дип атады. Ул шулай ук сайлаучыларга участокларга килергә һәм сайлауда катнашырга чакырды.
- Тавыш бирүнең беренче көне нәтиҗәләре буенча Татарстанда сайлаучыларның килүе 36,8 процент тәшкил иткән. Россия буенча бу күрсәткеч 29,45 процентка җиткән.
- Бүген Татарстанда тавыш бирүнең икенче көне бара. Дәүләт Думасы депутатларын сайлау 20 сентябрьгә кадәр дәвам итәчәк.