Рөстәм Миңнеханов Татарстанда «Останкино» аналогын булдырырга тәкъдим итте
Татарстан Рәисе Рөстәм Миңнеханов республикада «Останкино» телеүзәгенең аналогын төзергә тәкъдим итте, ул төбәкнең күп кенә теле- һәм радиокомпанияләрен берләштерер иде. ТНВ медиахолдингын үстерү стратегиясе турында фикер алышканда ул шундый инициатива белән чыгыш ясады.
«Бу бина үзендә барлык заманча технологияләрне булдырырга һәм безнең өчен зур яңалык, бергә эшләү өчен, бер түбә астында барлык телерадиокомпанияләр берләшергә тиеш. Моны мин Татарстан Рәисенең гениаль карары дип саныйм», - диде «Яңа Гасыр» телерадиокомпаниясе» АҖ генераль директоры Илшат Әминов, аның сүзләрен ТНВ китерә.
Якын арада яңа комплексның техник йөкләмәсен формалаштыру һәм аның урнашу урынының мөмкин булган вариантларын карау буенча эш башланачак.
Элегрәк хәбәр ителгәнчә, Рөстәм Миңнехановка ТНВның виртуаль чынбарлык студиясен күрсәттеләр.