Рөстәм Миңнеханов Татарстан хоккей легендаларының Баулыга килүе турында сөйләде
Татарстанның хоккей легендалары җыелма командасы Баулыда Гали Ганиев исемендәге Кубокның гала-матчында катнашты. Бу хакта Татарстан Рәисе Рөстәм Миңнеханов МАКС каналында хәбәр итте.
Хәбәрдә әйтелгәнчә, хоккей ветераннары яшь спортчылар һәм тамашачылар белән аралашкан, автограф-сессиядә катнашкан һәм «Девон» хоккей мәктәбендә шөгыльләнүчеләр белән иптәшләрчә уен үткәргән.
Фото: ТР Рәисенең МАКСтагы рәсми каналы
«Татарстан Республикасы хоккей легендалары» проекты балалар һәм яшүсмерләр спортын үстерә һәм хоккей традицияләрен саклый. Проектта катнашучылар шулай ук «Я смогу» реабилитация үзәгендә булды һәм Бөек Ватан сугышы елларында һәлак булган якташлар мемориалына чәчәкләр куйды», – диелә постта.