Ташкент Татар үзәге Аксакаллар шурасы рәисе Рөстәм Миңнеханов белән очрашты
Ташкентның татар мәдәни үзәгенең Аксакаллар шурасы рәисе Рим Гыйниятуллин Татарстан Республикасы Рәисе Рөстәм Миңнехановка Үзбәкстандагы татарлар турында сөйләде.
«Очрашуда Рим Гыйниятуллин Татар мәдәни үзәгенең эшчәнлеге, планлаштырылган чаралар турында сөйләде, шулай ук Үзбәкстан татарларыннан зур сәлам тапшырды. Рөстәм Миңнеханов очрашу хөрмәтенә аксакалга күннән тышланган Коръән һәм тәсбих бүләк иткән», – дип хәбәр итә Ташкентның татар мәдәни үзәгенең матбугат хезмәте.
Рөстәм Миңнеханов Үзбәкстандагы барлык татарларга, татар халкын саклап калудагы эшчәнлек өчен рәхмәт белдергән. «Татарстанда Үзбәкстандагы ватандашларыбызны искә алып торабыз. Үзбәкстанда барлык мәдәни үзәкләргә мөмкин булганча ярдәм күрсәтергә әзербез», – дип сөйләгән ул.