Җәмгыять 4 ноябрь 2023 09:51

Рөстәм Миңнеханов «Широка страна моя родная» җырына төшерелгән видео белән уртаклашты

Скопировать ссылку

Татарстан Рәисе Рөстәм Миңнеханов Халыклар бердәмлеге көнендә «Широка страна моя родная» җырына төшерелгән видео белән уртаклашты. Ролик ТР җитәкчесенең телеграм-каналында чыкты.

Татарстан егетләре башкара торган җырга Россия һәм Татарстан пейзажлары алышына, милли киемле кешеләр уза, милли бәйрәмнәрдән эпизодлар күрсәтелә. Видеода шулай ук Җиңү парадында, махсус хәрби операция зонасында төшерелгән кадрларны да күрергә мөмкин.

«Халыклар бердәмлеге көне белән! Бергә булыйк, бердәм булыйк!» – дип язган Миңнеханов ролик астына.

Искәртеп узабыз, элегрәк Россия Президенты Владимир Путин Татарстан Рәисен Халыклар бердәмлеге көне белән котлаган иде. «Россиянең бөек тарихы, куәте, дәрәҗәсе һәм дәүләтчелеге ата-бабаларыбызның күпләгән буыны, аларның ныклыгы һәм батырлыгы, фидакяр хезмәте белән барлыкка килгән», - диелә телеграммада.

#Халыклар бердәмлеге көне #Рөстәм Миңнеханов

Сәхифәләр

Рөстәм Миңнеханов «Широка страна моя родная» җырына төшерелгән видео белән уртаклашты