Рөстәм Миңнеханов Саба районында мәдәният йорты һәм тернәкләндерү үзәге ачты
Скопировать ссылку
Татарстан Рәисе Рөстәм Миңнеханов Саба районына килде. «Газпром межрегионгаз» ҖЧҖ генераль директоры Сергей Густов белән бергә ул компаниянең хәйрия проекты кысаларында төзелгән күп функцияле мәдәният йортын ачты, дип хәбәр итте Татарстан Республикасы Рәисе үзенең Макстагы рәсми каналында.
«Биредә тамаша залы, китапханә, спорт залы, балалар түгәрәкләре оештыру өчен бүлмәләр бар», – дип язды Миңнеханов.
Шулай ук ул үзәк нерв системасы авырулары булган инвалид балалар өчен тернәкләндерү үзәген карады.