Рөстәм Миңнеханов Росреестр җитәкчелегенә Татарстанның дәүләт бүләкләрен тапшырды
Скопировать ссылку
Татарстан Рәисе Рөстәм Миңнеханов Дәүләт теркәве, кадастр һәм картография федераль хезмәте (Росреестр) башлыгы Олег Скуфинскийны «Татарстан Республикасы алдындагы казанышлары өчен» ордены медале белән бүләкләде.
Шундый ук бүләкне Скуфинскийның урынбасары Елена Мартыновага да тапшырдылар, дип хәбәр итә Татарстан Рәисе матбугат хезмәте.
ТР Хөкүмәте йортында узган Татарстан Рәисе һәм Росреестр җитәкчелеге очрашуында төбәкара дәрәҗәдә алга таба хезмәттәшлек мәсьәләләре һәм «Киңлек мәгълүматлары илкүләм системасы» федераль дәүләт мәгълүмат системасын кертү буенча чаралар турында фикер алыштылар.